طريقه عمل احلى قطايف فى البيت لشهر رمضان

 

شهر رمضان شهر الخير والبركه وكل بلد ليها عاداتها وتقاليدها فى الشهر الكريم ومن عادات المصريين فى رمضان الكنافه والقطايف والنهارده هعلمك تعملى القطايف فى البيت من اول العجينه لغايه ما تاكليها بالهنا والشفا

هنحتاج لعمل العجينه

المقادير

  • كوب من الدقيق
  • كوب من الماء
  • ملعقه خميره جافه
  • ملعقه بيكينج بودر
  • رشه ملح
  • ملعقتين لبن بودر
  • ملعقه زيت ذره او دوار الشمس
  • ملعق كبيره نشا

الطريقه

اول حاجه هنضع المواد الجافه مع بعض الدقيق والخميره والنشاوالملح والسكر  واللبن البودر ونقلب كويس جدا مع بعض وبعد كده نضع الماء  ونقلب كويس جدا ثم ننزل بالزيت ونقلب كويس ويفضل نقلب بالمضرب السلك حتى نحصل على عجينه لينه سائله   ونغطيها بفوطه نظيفه ونتركها فى مكان دافى ترتاح تقريبا لمده نصف ساعه

بعد ذلك  نضع الخليط فى اى اناء يكون ليه حافه لسهوله العمل او ممكن فى طبق وناخذ بالكبشه

نسخن طاسه يفضل ان تكون سيراميك او تيفال ونمسحها بنقطه زيت

وعلى نار متوسطه واول ما تسخن الطاسه نقوم بغرف حبه من العجين على شكل دائره ونتركها بضع دقائق حتى يحمر القعر فقط  ونطلعها على صنيه عليها فوطه مطبخ علشان ما تعرقش فى الصينيه وتلزق لازم نضع فوطه مطبخ على  الصنيه واكرر الخطوات كلها حتى نخلص كميه العجين ونتركها حتى تبررد ولازم نغطيها ايضا بفوطه مطبخ نظيفه

الحشو

هنحتاج للحشو اى مكسرات تحبيها ممكن عين جمل وفستق ولوز وبندق او سودانى وجوز الهند والزبيب اى حشو انت تفضليه ونضع عليه ملعقتين سكر  ونبدا بحشو كل قطعه ولازم نقفلها كويس جدا علشان ما تفكش منا واحنا بنقليها

التسويه

نحضر طاسه فيها زيت غزير وننتظر حتى يسخن وننزل بالقطايف بتاعتنا ونحمرها  واول ما تحمر ننزل بيها فى الشربات

الشربات(الشيره)

  • 2كوب سكر
  • 1كوب ماء
  • عصر ليمون
  • رشه قرفه او فانليا او ماء زهر

نضع كل المقادير على بعضها فى اناء ونتركه حتى تمام الغليان ونتركه خمس دقائق بعد الغليان ونطفى عليه ونتركه يبرد

ملحوظه

لازم يكون الشربات بارد والقطايف ساخنه علشان تقرمش وبالف هنا وشفا

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى